തിരുവനന്തപുരം : സംസ്ഥാന സർക്കാരിന്റെ നയപ്രഖ്യാപനത്തിൽ ഉൾപ്പെട്ടതും 100 ദിന കർമ്മ പരിപാടിയുടെ ഭാഗവുമായ 27 യുവജന സഹകരണ സംഘങ്ങൾ മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. വട്ടിയൂർക്കാവ് എം.എൽ.എ അഡ്വ. വി.കെ പ്രശാന്തിന്റെ നേതൃത്വത്തിലുള്ള വട്ടിയൂർക്കാവ് യൂത്ത് ബ്രിഗേഡ് എന്റർപ്രണേഴ്സ് കോ-ഓപ്പറേറ്റീവ് സൊസൈറ്റിയിലാണ് സംസ്ഥാനതല ഉദ്ഘാടനം സംഘടിപ്പിച്ചത്. 18 നും 45 വയസിനും ഇടയിൽ പ്രായമുള്ള യുവജനങ്ങളുടെ നേതൃത്വത്തിൽ വിവിധ മേഖലകളിലെ സംരംഭക സംഘങ്ങളായാണ് ഈ സൊസൈറ്റികൾ പ്രവർത്തിക്കുക. സഹകരണ വകുപ്പ് മന്ത്രി വി.എൻ വാസവൻ...